Украина соопшти дека разоткрила мрежа на агенти кои подготвувале атентат врз Зеленски

ИСТАНБУЛ (АА) - Украина денес соопшти дека разоткрила мрежа на агенти поврзани со руските безбедносни служби кои подготвувале обид за атентат врз украинскиот претседател Владимир Зеленски, пренесува Анадолу.

Во соопштението на Украинската служба за безбедност (SBU) објавено на Телеграм се вели дека двајца полковници од Администрацијата на државната гарда на земјата се приведени како дел од операцијата спроведена од контраразузнавачите и истражителите на СБУ.

Се тврди дека руската Федерална служба за безбедност (ФСБ) планира да го „елиминира“ претседателот на Украина и другите претставници на највисокото воено и политичко раководство на земјата.

Се наведува дека двајцата полковници биле под надзор на ФСБ и дека протекле тајни информации во Москва, што укажува дека една од задачите на мрежата била да бара некој од војската близок до обезбедувањето на Зеленски, кој би можел да го земе како заложник, а подоцна и да го убие.

„Покрај Владимир Зеленски, непријателот планирал да ги елиминира и шефот на Службата за безбедност на Украина Васил Малиук, шефот на Главната управа за разузнавање на Украина Кирило Буданов и други високи претставници“, се нагласува понатаму.