Aida Cako
08 Декември 2025•Ажурирај: 10 Декември 2025
СКОПЈЕ (АА) – Во главниот град на Исланд, Рејкјавик, се наоѓа црквата Халгримскиркја, дизајнирана со инспирација од вулкан и е видлива речиси од секој дел на градот, привлекувајќи внимание со својата уникатна архитектура, известува Анадолу.
Халгримскиркја, која се смета за едно од најважните дела на експресионистичката архитектура од 20. век – уметнички правец кој ги става емоциите и внатрешниот свет во преден план, наместо буквалното претставување на природата – со својата висина од 74,5 метри е воедно и највисоката црква во земјата.
Овој впечатлив објект, инспириран од природата на Исланд, вулканска островска држава, се истакнува со својата надворешност која потсетува на лава што се слева од вулкан и се претвора во базалт.
Според достапните извори, дизајнот на црквата Халгримскиркја го започнал Гудјон Самуелсон во 1937 година.
Градењето започнало во 1945 година, а завршило во 1986 година, дури 36 години по смртта на архитектот Самуелсон.
Објектот, висок 74,5 метри, импресионира и со својата акустика.
На влезот од црквата се наоѓа и статуата на исландскиот истражувач Лејф Ериксон, која исто така го привлекува вниманието на посетителите.
Овој споменик, видлив од голема далечина, е дело на Александар Старлинг Калдер.
