Gizem Nisa Çebi Demir
10 Август 2026•Ажурирано: 10 Август 2026
Цените на нафтата денес пораснаа откако условите на Иран за повторно отворање на Ормускиот Теснец предизвикаа загриженост дека нарушувањата на глобалните енергетски пазари би можеле да продолжат, јавува Анадолу.
Фјучерсите на суровата нафта Брент за испорака во октомври пораснаа за 1,09 отсто, на 84,46 долари за барел, додека фјучерсите на американската нафта Вест Тексас Интермедијат (WTI) за септември се зголемија за 0,84 отсто, на 78,84 долари за барел.
Иранскиот министер за надворешни работи Абас Арагчи вчера изјави дека стратегискиот воден пат нема да биде повторно отворен додека Вашингтон не ги исполни условите, меѓу кои се ублажување на санкциите и исплата на воени репарации.
Тој, исто така, рече дека Техеран во моментов не води директни разговори со САД и покрај тврдењата на Вашингтон дека договорот е близу.
„Ормускиот Теснец практично останува затворен“, соопшти „Вестпак“, додавајќи дека неизвесноста останува голема додека војната меѓу Иран и САД влегува во шестиот месец.
И покрај нестабилноста на енергетските пазари, азиските берзи забележаа раст, при што јапонскиот индекс Никеи 225 порасна за 2,1 отсто, јужнокорејскиот Косби за 0,7 отсто, а хонгконшкиот Ханг Сенг се зголеми за 0,6 отсто.
