За првпат по 36 години: Сите шест германски клубови поразени во Европа

БЕРЛИН (АА) - Сите шест германски клубови во Лигата на шампионите и во Европската лига оваа недела беа поразени и останаа без поени, што се случи за прв пат по 36 години, јавува Anadolu Agency (AA).

Во второто коло на Лигата на шампионите, Баерн Минхен е поразен со 3:0 од Париз Сен Жермен, Борусија Дортмунд со резултат 3:1 изгуби од Реал Мадрид и Лајпциг изгуби од Бешикташ со 2:0.

Во Лига Европа, Херта Берлин беше поразен со 1:0 од Естерсунд, Хофенхајм со резултат од 2:1 беше поразен од Лудогорец и Кeлн изгуби од Црвена Ѕвезда со 1:0. По тој повод, во германските медиуми се појавија наслови како „Бундеслигата против Европа 0:6“, „Завршена црната недела на Европското првенство“.

Во медиумите, исто така, се наведува дека германските клубови последен пат во 1981 година беа поразени во шест натпревари на европските првенства.