НБА: Нов рекорд на погодоци за 3 поени

ИСТАНБУЛ (АА) - Во американската национална кошаркарска лига (НБА), тимот на Голден Стејт Вориорс како гостин успеа да го совлада Сакраменто Кингс, со 123:127. На средбата е урнат рекордот на НБА во постигнати погодоци за 3 поени на еден натпревар, пишува Anadolu Agency (AA).

Синоќа се одиграа 8 натпревари од НБА. Последниот шампион, Вориорс, со 21 погодок од 47 обиди и Кингс со 20 погодоци од 36 обиди, со вкупно 41 погодок за 3 поени, успеаја да постават нов рекорд во НБА. Досегашниот рекорд беше постигнат на натпреварот меѓу Кливленд Кавалирс и Минесота Тимберволвс, одигран во февруари 2018 година, на кој беа постигнати 40 погодоци за 3 поени.

Во редовите на Вориорс, Стефен Кари со постигнати 42 поени, 5 скока, 2 асистенции и 2 украдени топки и Кевин Дурант со 29 поени, 9 асистенции, 5 скока и 2 блокади, беа најзаслужни за 26. победа на Голден Стејт сезонава.

Во редовите на Кинг, кој го доживеа својот 20. пораз сезонава, четврти едноподруго, најпрецизни беа Бади Хилд со 32 поени, 5 скока и 4 асистенции, Џастин Џексон со 28 поени, 5 скока и Богдан Богдановиќ со 17 поени, 7 асистенции и 6 скока.

- Бакси на домашен терен совладан од Репторс -

Дерби на колото беше средбата меѓу првопласираната и второпласираната екипа од Источната конференција. Лидерот Милвоки Бакс на домашен терен загуби од Торонто Репторс, со резултат 116:123.

Најпрецизни во редовите на Репторс, кој е на втората позиција во Источната конференција, беа Кавај Леонард со 30 поени, 6 скока, 6 асистенции и 5 украдени топки и Паскал Сајакем со 30 поени, 4 скока и 3 асистенции, давајќи голем удел во 29. победа на својот клуб сезонава.

Јанис Адетокунбо со дабл-дабл од 43 поени, 18 скока и 4 асистенции не успеа да го спречи 11. пораз на Бакс.

Голем пораз претрпе екипата на Кливленд Кавалирс на домашен терен. Њу Орлеанс Пеликанс, како гостин успеа да победи со 98:133, нанесувајќи му го на Кливленд 32. пораз сезонава, кој се наоѓа на дното од табелата во Источната конференција.

Филаделфија Севентисиксерс како домаќин го совлада Далас Маверикс со 106:100, со што дојде до својата 26. победа сезонава.

За вечер се закажани 7 натпревари во НБА-лигата.

- Резултати:

Денвер Нагетс - Шарлот Хорнетс 123:110

Детроит Пистонс - Јута Џез 105:110

Филаделфија Севентисиксерс - Далас Маверикс 106:100

Кливленд Кавалирс - Њу Орлеанс Пеликанс 98:133

Милвоки Бакс - Торонто Репторс 116:123

Сан Антониот Спарс - Мемфис Гризлис 108:88

Портланд Трејлблејзерс - Хјустон Рокетс 110:101

Сакраменто Кингс - Голден Стејт Вориорс 123:127

- Вечерва ќе се одиграат натпреварите:

Минесота Тимберволвс - Лос Анџелес Лејкерс

Чикаго Булс - Бруклин Нетс

Лос Анџелес клиперс - Орландо Меџик

Атланта Хоукс - Мајами Хит

Оклахома Сити Тандер - Вашингтон Визардс

Торонто Рапторс - Индијана Пејсерс

Феникс Санс - Шарлот Хорнетс