Четврто коло во УЕФА Лигата на шампиони: Манчестер Сити и Реал Мадрид обезбедија пласман во осминафиналето

ИСТАНБУЛ

Синоќа се одиграа осум средби од четвртото коло во УЕФА Лигата на шампиони, известува Агенција Анадолија (АА).

Во УЕФА Лигата на шампиони, најпрестижното фудбалско клупско натпреварување во Европа, синоќа се одиграа натпреварите од 4. коло во групите Е, Ф, Г и Х.

Едно од дербите на колото беше средбата во групата Х меѓу Париз Сен Жермен (ПСЖ), кој на домашен терен ја пречека екипата на Бенфика. Натпреварот заврши без победник, 1:1, а и двата погодоци беа постигнати со удари од белата точка. Голот за ПСЖ го постигна Килијан Мбапе во 39. минута, а изедначувачкиот гол за Бенфика го постигна Жоао Марио во 62. минута. По овој натпревар ПСЖ и Бенфика се наоѓаат на делбата заедно на лидерската позиција со по 8 бода.

Во групата Е, Милан му беше домаќин на Челси. Гостите извојуваа победа од 0:2, а головите за Челси ги постигнаа Жоржињо во 21. минута и Пјер Емерик Обамејанг во 34. минута од натпреварот. Со оваа победа Челси се наоѓа на врвот од табелата со 7 бода.

Во групата Ф актуелниот шампион Реал Мадрид му гостуваше на украинскиот претставник Шахтјор Доњецк. На самиот почеток од второто полувреме, во 46. минута, Шахтјор поведе со 1:0 со голот на Олександ Зубков. Домаќините водеа во текот на целиот натпревар, но во судиското продолжение 90+5 Реал сепак успеа преку Антонио Рудигер да дојде до изедначувачкиот гол и да си замине дома со 1 бод. По овој нерешен резултат Реал Мадрид се наоѓа на првата позиција во групата Ф и со освоени 10 бода обезбеди пласман во осминафиналето на ЛШ.

Во групата Г Борусија Дортмунд ѝ беше домаќин на Севиља. Гостинската екипа поведе во 18. минута со голот што го постигна Танги Куаси, а изедначувачкиот погодок за Борусија Д. го постигна Џуд Белингем во 35. минута. поставувајќи го конечниот резултат 1:1.

Манчестер Сити на гостинскиот терен на Копенхаген одигра нерешено, 0:0, а Ријад Марез го промаши ударот од белата точка во 25. минута од натпреварот. По овој нерешен натпревар Манчестер Сити со 10 бода се наоѓа на првата позиција и обезбеди пласман во осминафиналето на ЛШ.

Резултати од синоќа одиграните средби:

Група Е

Динамо Загреб - Салцбург 1:1

Милан - Челси 0:2

Група Ф

Селтик - Лајпциг 0:2

Шахтјор Доњецк - Реал Мадрид 1:1

Група Г

Копенхаген - Манчестер Сити 0:0

Борусија Дортмунд - Севиља 1:1

Група Х

Макаби Хаифа - Јувентус 2:0