Ahmet Furkan Mercan
08 Септември 2020•Ажурирај: 09 Септември 2020
ТОКИО
Во Јапонија, Хашимото Сеико, член на Владата одговорен за Олимписките и Параолимписките игри во Токио, истакна дека одложените игри треба да се одржат летото 2021 година, без оглед на условите, пренесува Агенција Анадолија (АА).
На прес-конференцијата, Хашимото се осврна на изјавата на Џон Коутс, потпретседателот на Меѓународниот олимписки комитет (МОК), кој рече: „Со или без Ковид-19 Олимписките игри треба да се одржат.“
Истакнувајќи дека треба да се земат предвид подготовките на спортистите низ светот за Олимписките игри, Хашимото рече: „Сите одговорни лица за Олимпијадата работат заеднички на подготовките.“
„Спортистите вложуваат високи напори за следната година. Според мене, Олимпијадата треба да се организира по секоја цена. Сите наши напори треба да се насочат кон мерките против Ковид-19“, нагласи Хашимото.
Потпретседателот на МОК, Коутс, изјави дека тие ќе ја организираат Олимпијадата „со или без Ковид“, именувајќи ја оваа олимпијада како „Светлина на крајот од тунелот и игри што ја победија короната“.
Меѓународниот олимписки комитет донесе одлука да ги одложи Олимписките игри во Токио, што беа планирани да се одржат во периодот од 24 јули до 9 август, за 23 јули-8 август 2021 година поради здравствените проблеми што би можеле да настанат како последица на присутната пандемија на Ковид-19.
