НБА: Бостон Селтикс и Лос Анџелес Клиперс поведоа во сериите од полуфиналето

АНКАРА

Во натпреварите од полуфиналето на плејофот на американската Национална кошаркарска лига, Бостон Селтикс во петтиот натпревар го совлада актуелниот шампион Торонто Репторс со 111:89 и поведе со 3:2 во меѓусебните дуели до 4 победи, известува Агенција Анадолија (АА).

Синоќа се одиграа два натпревари од плејофот на НБА. Во полуфиналето на Источната конференција Бостон Селтикс благодарение на Џејлен Браун, кој постигна 27 поени и 6 скока, успеа да го совлада Торонто Репторс со 111:89.

Селтикс со оваа победа успеаја да се изборат за водство од 3:2 во меѓусебните дуели, а покрај Џејлен, значителен придонес за победата дадоа и Кемба Волкер со 21 поен, 7 асистенции и 4 скока и Џејсон Татум со дабл-даб од 18 поени, 10 скока и 4 асистенции.

Во редовите на Репторс најпрецизни беа Фред Ванвлит со 18 и Норман Пауел со 16 поени, но тоа не беше доволно за да се избегне поразот.

- Клиперси повторно во водство

Лос Анџелес Клиперс го одигра третиот натпревар од полуфиналето на плејофот во Западната конференција. Лос Анџелес Клиперс го совлада Денвер Нагетс со 113:107 и премина во водство од 2:1 во серијата од 4 победи.

Најпрецизни во редовите на Клиперс беа Пол Џорџ со 32 поени, 4 скока и 4 асистенции и Кавај Леонард со дабл-дабл учинок од 23 поени, 14 скока и 6 асистенции.

Кај Нагетс најпрецизни со дабл-дабл учинок беа Никола Јокиќ, кој постигна 32 поени и 12 скока, и Мајкл Портер Џуниор со 18 поени и 10 скока.