„Туркиш ерлајнс“ прв во Европа според бројот на летови на дневно ниво

ИСТАНБУЛ (АА) - „Туркиш ерлајнс“ (THY) минатата недела беше прв во Европа со реализирани просечно 588 летови на ден, покажуваат податоците на Европската организација за безбедност на воздушниот сообраќај (Евроконтрол), пренесува Агенција Анадолија (АА).

Евроконтрол објави извештај за воздушниот сообраќај за периодот помеѓу 25-ти и 31-ви јануари.

Според податоците, „Туркиш ерлајнс“ ги надмина своите европски ривали со просечно 588 летови дневно. „Пегасус ерлајнс“ го зазеде третото место на листата, со 265 летови на ден.

Во извештајот се наведува дека податоците од четирите недели од јануари покажале пад од 65 отсто во однос на 2019 година.