Во Истанбул е потпишан договор за соработка меѓу АА и ФЕНА

ИСТАНБУЛ (АА) - Во Истанбул денес е потпишан договор за соработка меѓу Anadolu Agency (AA) и босанскохерцеговската Федерална новинска агенција (ФЕНА), јавува Anadolu Agency (AA)

Истанбул овој викенд е домаќин на 27. Генерално собрание на Асоцијацијата на балкански новински агенции - ABNA SE, на која се собираат претставниците на најзначајните новински агенции на земјите на Југоисточна Европа, а претседавањето оваа година го зазема АА.

По тој повод е потпишан и договор за соработка меѓу агенциите на АА и ФЕНА, а потписи на договорот ставија претседателот на Управниот одбор и генерален директор на АА, Шенол Казанџи и генералниот директор на ФЕНА, Елмир Хуремовиќ.

Договорот меѓу двете агенции се однесува на размена на вести на англиски јазик, како и размена на искуства во областите на техничкото, уредничкото и стручното усовршување.