Земјотрес со јачина од 5,1 степен ја погоди Турција

АНКАРА

Земјотрес со јачина од 5,1 степен ја погоди турската област Ерзурум, пренесува Агенција Анадолија (АА).

Информацијата преку соопштение ја потврди Агенцијата за управување со катастрофи и вонредни состојби (АФАД) на Турција.

Во соопштението се нагласува дека епицентарот на земјотресот бил во подрачјето на Ќопруќој во Ерзурум.

Се истакнува дека земјотресот со јачина од 5,1 степен се случил во 15:40 часот по локално време.

Според ова соопштение, земјотресот се случил на длабочина од 6,94 километри.