ИСТАНБУЛ (АА) - Турскиот претседател Реџеп Таип Ердоган денес ги пофали турските медиуми за нивниот храбар став во известувањето на вистината за она што се случува во Газа, известува Анадолу.
„Соочени со геноцидот во Газа, турските медиуми, особено ТРТ и Анадолу, навистина зазедоа храбар став“, рече Ердоган во говорот на церемонијата на доделувањето награди за култура и уметност во Анкара.
Претседателот Ердоган упати пофалби за Али Џадалах, фоторепортерот на Анадолу.
„Она што се рефлектира низ неговиот објектив не само што го открива ужасниот обем на масакрот во Газа туку и го привлекува вниманието на светот кон праведниот отпор на палестинскиот народ.“
„Нашиот брат Али, кој го разоткри бруталниот геноцид во Газа и го соочи т. н. цивилизиран свет со вистината, служи како репортер на нашата Анадолу“, рече Ердоган.
- Ердоган го пречека семејството на фоторепортерот Џадалах во претседателскиот комплекс
Претседателот Ердоган претходно во претседателскиот комплекс го пречека семејството на фоторепортерот на Агенција Анадолу Џадалах, вклучувајќи ја неговата сопруга Доа Есави и нивните деца.
Турскиот претседател Реџеп Таип Ердоган го пречека семејствата на фоторепортерот на Агенција Анадолија, Али Џадалах, вклучувајќи ја и неговата сопруга Доа Есави и нивните деца, во Претседателскиот комплекс во Анкара.https://t.co/ndbP8YZpwP pic.twitter.com/JpfThltaGs
— Anadolu Македонски (@aa_macedonian) December 18, 2025
Приемот беше организиран пред церемонијата на доделување на Големата претседателска награда за култура и уметност што се одржа во Конгресниот и културен центар Бештепе, каде што фоторепортерот беше награден, но бидејќи не може да ја напушти Газа, наградата ѝ беше доделена на неговата сопруга.
