HELEBCE
Bi hatina zivistanê û destpêkirina sermayê re li Hewreman di navbera Herêma Kurdistan û Îranê de barîna berfê û weşîna pelan dîmenên ciwan derxistin holê.
Devera Hewreman ku bi ciwaniya tebîet, cografya, çiya, şax, şînkahî, huner û dewlemendiyên xwe yên din tê naskirin bi hatina zivistanê re bedewiyeke din li xwe poşand.
Barîna berfê û weşîna pelan ji daran, li vê mintiqeyê dîmenekî şayanê temaşeyê derxistiye holê. Hewraman bi van hereketên tebîetê ciwaniyeke cuda bi xwe ve dibîne.
Di kêliyên xatirxwestina payizê, silavdayîna zivistanê û xuyabûna biharê di asoyê de pelên weşiyayî me'neyeke taybet li van deveran dikin.
Hewramana ku bi xweşikiya xwe bûye dabaşa muzîk, huner û fotografgeriyê bi berf û sermayê jî taybetmendî û dewlemendiya xwe li ber çavan radixîne.
Dewlemendiya vê deverê û dîmenên wê wek nimuneyên hunerî li ser fotografan tên neqişandin û bi zarê hunerman tên nehwirandin.
Ew dîmen dibine huner û li ser kaxezan erzê endam dikin, hestê li wir peyda dibin jî digerin awazê û li ser zarê dengxweşan bilind dibin.
