Artêşa Muhafizên Şoreşê rêvebiriya Ruhanî rexne kir

ANKARA

Fermandarê Artêşa Muhafizên Şoreşê yê Îranê Mihemed Elî Caferî got li welêt ji ber rêvebiriya nebaş pirsgirêkên aboriyê gihîştiye asteke nebaş.

Li gor nûçeya Ajansa Nûçeyan a Xwendekaran a Îranê ISNAyê, Caferî li Tehranê di merasimekê de axivî û rêvebiriya hikûmeta Serokomar Hesen Ruhanî rexne kir.

Caferî got ji bo edaleta civakî pêk bê, pêşketineke maddî û manewî çêbibe divê her kes hewl bide û wiha dewam kir: "Debara gel, pirsgirêkên aboriyê ji ber hewldanên dijminan û rêvebiriyeke nebaş a li welêt gihîştiye asteke nebaş."

Caferî anî ziman rêvebiriya welêt divê li gor rewşên heyî û Îslamê be.

Ji bo Artêşa Muhafizên Şoreşê jî Caferî got ew bi tenê sazûmaneke eskerî nîne û wiha dewam kir: "Muhafizên Şoreşê di serî de wek hêzeke eskerî derkete holê, lê îro di her qada civakî de xebatan dike."

Caferî 100 siyasetmedar û aktîvîstên sivîl ên ji Serokê Amerîkayê Donald Trump ra name şandine ku di navbera Îran û Amerîkayê de bila bê şert û merc hevdîtin çêbibin, rexne kir û got fikrên wan ên rojavayî, lîberal û ne îslamî xwedî pirsgirêk in.