Çînê ji ber pêşnûmaya Uyguran Amerîka tehdît kir

Rêveberiya Pekînê Amerîka tehdît kir û got heke bi pêşnûmaya li ser Uyguran a hat tesdîqkirin va li dijî Çînê mueyîdeyan pêk bîne ew ê li ber encaman jî histûyê xwe xar bike.

Di daxuyaniya Wezareta Karên Derva da bertek nîşanî pêşnûmaya Donald Trumpê Serokê Amerîkayê îmze kir ya dibêje ku ji ber polîtîkayên tundiyê yên li dijî Herêma Xweser a Uygur Sîncanê mueyîdeyan bidin ser rayedarên Çînê.

Di daxuyaniyê da hat diyarkirin ku Sîncan mijara navxweyî ya Çînê ye ew ê destûrê nedin ku tu kes tiliya xwe te bike û wiha hat gotin: "Em carekî dîsa bangî Amerîkayê dikin ku bira şaşiyên xwe rast bike û dev ji pêşnûmaya midaxeleyî mijarên navxweyî yên Çînê dike berde. Ku wisa nebe Çînê li dijî vê bi biryardarî li ber xwe bide û Amerîka jî berpirsyare ku li ber encaman histûyê xwe xar bike."

Wekî mayîn di daxuyaniyê da hat gotin ku "bi nêta xirab êrîrşî" polîtîkayên Çînê yên li ser Sîncanê dikin, midaxeleyî karên navxweyî yên Çînê dikin, hiqûqa navneteweyî û têkiliyên navneteweyî tên binpêkirin.

Trump do îlan kir ku pêşnûmaya binpêkirina mafên mirovan ên dijî Mislimanên li Herêma Xweser a Uygur Sîncanê şermezar dike û pêşniyaz dike ku mueyîdeyan bidin ser rayedarên Çînê îme kir.

Senatoyê di 15ê Gulanê da, Meclisa Nûneran di 27ê Gulanê da pêşnûma tesdîq kiribûn û ji bo îmzeyê ji Trump ra şandibûn.

Wekî mayîn di pêşnûmayê da tê xwestin ku Wezareta Karên Derva ya Amerîkayê bira ji bo binpêkirina mafên mirovan ên li herêmê raporê amade bike.