Di çapemeniya Asyayê de serkeftina Serokomar Erdogan

PEKÎN/CAKARTA

Encamên nefermî yên hilbijartina Serokomarî û Parlementeriyê ya Heyama 27emîn ên Tirkiyeyê di çapemeniya Asyayê de bi awayekî berfireh cih girt.

Ajansa nûçeyan a Çînê Şînhuayê bal kişande navê Serokomar Recep Tayyîp Erdogan û got li gor anketan wî zêdetir ray hilda.

Di nûçeya bi serenava "Di hilbijartinên krîtîk da serkeftin a Erdogan e" da hat gotin sîstema nû serokwezîriyê ji holê radike, serokomar him dibe serokê welêt û him jî dibe serokê hikûmetê.

- Japonya

Ajansa nûçeyan Kyodoyê bi serenava "Recep Tayyîp Erdogan di hilbijartina serokomariyê de serkeftina xwe îlan kir" nûçeyek weşand û got Erdogan ji sala 2003an vir va desthilat e.

Di nûçeyê de hat gotin hejmara parlamenterên AK Partî û MHPyê li meclisê zêde ye.

Têlevîzyona NHKyê jî got "Hilbijartina Erdogan wisa xuya dike ku wê tesîrê li ser herêmê bike" û têlevîzyonê bi bîr xist ku Erdogan 15 sale Tirkiyeyê bi rê va dibe.

- Endonezya

Ajansa nûçeyan a Endonezyayê Antarayê jî bi serenava "Erdogan di hilbijartina serokomariyê de bi ser ket" nûçeyek weşand û bal kişande rêjeya rayan a ji sedî 52,7an.

Rojnameya "Kompas"ê jî bi serenava "Erdogan serkeftina xwe îlan kir" nûçeyek weşand.

Di nûçeyê de hat gotin ray bilez hatin hilbijartin û Erdogan ji sedî 50î zêdetir ray hilda û ji bo 5 salan bû serokomar.

- Tayland

Rojnameya "The Bangkok Post"ê got Serokomar Erdogan di hilbijartinan de serkeftineke dualî bi dest xist û bal kişande taybetmendiya vê hilbijartinê.

Hat gotin di vê hilbijartinê de him ji bo serokomariyê û him jî ji bo parlamenteriyê ray hatine dayîn.

- Malezya

Rojnameya "The Star"ê jî bal kişande serkeftina Erdogan û got wî di hilbijartinan de nîvê rayan hilda.

- Sîngapur

Rojnameya "The Straît Tîmes"ê jî ji xwînerên xwe ra got Erdogan di serokomariya xwe de heyama xwe ya duyemîn bi dest xist.