"Li Efxanistanê hebûna DEAŞê projeya Emrîkayê ye"

KABUL

Serokê Dewleta Efxanistanê yê berê Hamid Karzaî diyar kir, li welatê wî hebûna DEAŞa rêxistina terorî projeya Emrîkayê ye.

Karzaî daxuyanî da nûçegihanê AAyê û got ku li Efxanistanê hemû endamên DEAŞê yên ku ji bo terorê dixebitin, ji derveyî welêt seba hin hedefan anîne û Emrîka piştgiriyê dide rêxistina terorî.

Karzaî îdia kir ku Emrîka naxwaze ku li Efxanistanê teror biqede û heke ku bixwasta tehdîda terorê roj bi roj zêde nedibû.

Serokê berê yê Efxanistanê diyar kir, meqseda esil ya DEAŞê Efxanistan nîne, dixwaze axa Efxanistanê bi kar bîne û welatên li herêmê bê îstiqrar bike. Karzaî destnîşan kir, rêxistina terorî zilmê li ser xelkê dike, xelkê dikuje û kevneşopiyên efxanan tune dike.

Karzaî daxuyand, Rûsya û Îran jî bi fikar in ku Emrîka li Efxanistanê ye û wiha dewam kir: "Rûsya jî dibe ku wek Emrîka, Îngiltere û hin welatên din bi Talîbanê ra têkildar be."

Karzaî bangî Talibanê kir ku dev ji şer berdin û li welatê xwe aştiyê bikin û bi gelê xwe ra tev bijîn, makezagona Efxanistanê cardin ber çavan ra derbas bikin.