Li Sûriyeyê di êrîşa rejimê da 12 sivîl hatin kuştin

ŞAM

Li Sûriyeyê di êrîşên ku rejima Beşar Esed ji hewayê birin ser mixalifên li Şam, Dera û Îdlibê da 12 sivîl hatin kuştin.

Xalid Mistefayê ji rayedarên parastina sivîlan ê li Xutaya Rojhilat a herêma Şamê daxuyanî da nûçegihanê AAyê û diyar kir ku êrîşên ku teyareyên rejimê birin ser Xutaya Rojhilat da 4 sivîl mirin, 7 sivîl birîndar bûn.

Mistefa wiha got: "Hêzên Esed bi xaza klorê va êrîşî Kabûna taxa Şamê kirin. Xazê ji 35 kesan girt. Kesên ku xazê jê girt rakirina nexweşxaneya li taxê û tên dermankirin."

- Êrîşî navenda belavkirina nan kirin

Ubade Zikreyê ji rayedarên parastina sivîlên Îdlibê diyar kir ku bi teyareyên şer êrîşî navenda belavkirina nan a li Dêra Şerqê ya gundê Numana Maaretê kir.

Zikre destnîşan kir ku di bombebaranê da 8 sivîlên ku di nav wan da zarok jî hene hatin kuştin, 35 kes jî birîndar ketin.

Zikre got ku kesên birîndar rakirin nexweşxaneya sehrayê ya li navçeyê û navenda belavkirina nan bû xirabe.

Rayedarên parastina sivîlên Derayê jî diyar kirin ku di êrîşên li ser herêmên mixalifan ên li Busr el-Herîra bajaroka Derayê da 5 sivîl birîndar ketin.