Polîsê Îsraîlê Şêx Sebriyê xetîbê Mescida Eqsayê birîndar kir

QUDIS

Şêx Ikrîme Sebriyê xetîbê Mescida Eqsayê, piştî nimêja eşayê di midaxeleya polîsên Îsraîlê bo ser Mescida Eqsayê de, li ber Deriyê Esbatê bi gulleya pilastîkî birîndar bû.

Hêzên Îsraîlî, midaxeleyî wan Filîstîniyan kir ku bi mebesta protestokirina dedaktorên ku li ser deriyên Mescida Eqsayê hatibûn danîn, li ber Deriyê Esbatê nimêja eşayê dikir. Hêzên Îsraîlî dema midaxeleyî cemaetê kir Serokê Şanda Bilind a Îslamî ya Qudsê û Xetîbê Mescida Eqsayê Şêx Sebrî jî bi gulleya plastîkî birîndar bû.

Li gorî agahiyên ku nûçegihanê AAyê ji Heyva Sora Filistînî sitend, Şêx Sebrî bi birîndarî rakirin Nexweşxaneya Meqasidê ya li Qudsa Rojhilat.

Heta nuha ji ti meqamekî derbarê rewşa tendirustiya Şêx Sebrî daxuyaniyek nehatiye dayîn.

Heyva Sora Filistînê ragihand ku di bûyerên ber Deriyê Esbatê de gelek kes birîndar bûne û rewşa hinek birîndaran giran û ya hinekan jî pileya navend e.