Qesra Spî der barê axaftina Erdogan û Biden da daxuyanî da

Qesra Spî der barê axaftina Serokomar Recep Tayyîp Erdogan û Serokê Amerîkayê Joe Biden da got ew li ser mijara şerê li Xezeyê axivîn, ji bilî vê Biden piştgirî da nêzîbûna di navbera Tirkiye û Yûnanistanê da.

Qesra Spî der barê axaftina Serokomar Erdogan û Serokê Amerîkayê Biden ya li ser telefonê da daxuyaniyeke nivîskî da.

Li gor daxuyaniyê, Erdogan û Biden der barê rewşa Xezeyê ya ku êrîşên Îsraîlê lê dewam dike da axivîn, li hev kirin ku divê hê zêdetir alîkariya mirovî bigihêje Xezeyê û sivîl bên parastin.

Biden piştgiriya xwe ya Îsraîlê dîsa dubare kir.

Ji bilî vê, behsa tifaqa NATOyê hat kirin û hat gotin divê ew bêtir xurt bibe. Biden anî ziman ku divê Swêd bilez beşdarî NATOyê bibe.

Di daxuyaniyê da hat gotin Serok Biden piştgirî da nêzîkbûna di navbera Tirkiye û Yûnanistanê ya ku van rojên dawîn da pêk hat.