"Rojên DEAŞê li Mûsilê jimartî ne"

NETEWEYÊN YEKBÛYÎ

Nûnerê Taybet ê Neteweyên Yekbûyî bo Iraqê Jan Kubis diyar kir ku operasyona rizgarkirina Mûsilê nêzîkî qedînê dibe û rojên DEAŞê jî li wî bajarî jimartî ne.

Kubis, li Konseya Ewlehiyê ya Neteweyên Yekbûyî de li ser geşedanên Iraqê û operasyona Mûsilê welatên endam agahdar kirin.

Kubîs destnîşan kir ku operasyona li navenda bajêr û rojavayê wê dê gelekî zehmet û çetîn derbas bibe û got: " "Operasyona rizgarkirina Mûsilê ber bi dawiyê ve diçe. Rojên DEAŞê li Mûsilê jimartî ne."

Herwiha anî ziman ku zêdebûna kuştiyên sivîl cihê aciziyê ye û bi destpêka operasyona rojavayê bajêr dê ev "rîska xurt" zêdetir bibe.