Serokwezîr Yildirim li Efxanistanê ye

KABUL

Serokwezîr Bînalî Yildirim bi balafireke taybet a "TUR"ê va bi saeta Tirkiyeyê 10.50an de hat Kabula paytextê Efxanistanê.

Wezîrê Parastinê Nurettîn Canîklî, Wezîrê Karên Navxweyî Suleyman Soylu, Wezîrê Karên Navxweyî yê Efxanistanê Veyîs Ehmed Bermek, Balyozê Kabulê yê Tirkiyeyê Oguzhan Ertugrul û rayedarên din li Balafirgeha Navneteweyî ya Hemîd Karzaî Serokwezîr Yildirim pêşwazî kirin.

Alîkarê Serokwezîr Hakan Çavuşoglu, Wezîrê Çand û Turîzmê Numan Kurtulmuş, Wezîrê Gihandin, Ragihandin û Behrewaniyê Ahmet Arslan, Serokê Koma Dostaniyê ya Moxolistanê ya TBMMyê Mehmet Erdogan, Serokê Koma Dostaniyê ya Efxanistanê ya TBMMyê Huseyîn Kocabiyik û Parlamenterê Enqereyê ya AK Partiyê Aydin Unal jî bi Yildirim re hatin Efxanistanê.

Serokwezîr Yildirim û Serokomarê Efxanistanê Eşref Ganî wê li Qesra Serokomariyê bên bal hev.

Yildirim wê bi Serokê Heyeta Îcrayê ya Efxanistanê Abdullah Abdullah re li Qesra Sepîdarê hevdîtinê bike û piştî hevdîtinê ewê civîneke çapemeniyê ya hevpar bikin.

Serokwezîr Yildirim wê Fermandariya Hêzê ya Wezîfeyê ya Tirk a Efxanistanê ziyaret bike û bi Mehmetçîkan re bê bal hev.

Yildirim wê Mizgefta Şehîd Bulent Aydin a ku ji hêla TÎKAyê va hatiye çêkirin veke, piştî ziyareta xwe ya Fermandariya Balafirgeha Hemîd Karzaî ewê vegere welat.