Barzanî û Çavoşoglu beşdarî civîna Munîhê dibin

ANKARA

Serokê Herêma Kurdistanê Mesûd Barzanî û Wezîrê Derve yê Tirkiyê Mevlut Çavuşoglu dê beşdarî 53emîn Konferansa Ewlehiyê li Muniha Almanyayê bibin.
Organîzasyona li Munîhê ku dê 17 û 19ê Sibatê bi beşdariya 500 mêvanî ji 60 welatan birêve biçe, mijarên ewlehiya cihanî û şerê li dijî terorê ji xwe re dike rojev.
Ji 60 welatî 500 serokdewlet, serokwezîr, wezîr û nûnerên hikûmetan beşdarî vê civînê dibin.
Serokê Herêma Kurdistanê Mesûd Barzanî û Wezîrê Derve yê Tirkiyê Mevlut Çavuşoglu jî di nav dawetiyan de ne.
Herwiha kesên wek Sekreterê Giştî yê NYê Antonio Guterres, Serokê Konseya Ewropayê Donald Tusk, Berpirsa Têkiliyên Derve û Bergiriyê ya Yekîtiya Ewropayê Federica Mogherini, Sekreterê Giştî yê NATOyê Jens Stoltenberg, Serokê Dewleta Polonyayê Andrzej Duda, Serokê Dewleta Ûkraynayê Petro Poroschenko, Serokê Dewleta Efxanistanê Mohammad Ashraf Ghani, Serokwezîra Norwecê Erna Solberg, Serokwezîrê Macaristanê Victor Orbán, Serokwezîrê Iraqê Heyder el-Ebadî, Wezîrê Derve yê Komara Çînê Wang Yi, Wezîrê Derve yê Siûdiyê Adil el-Cubeyr, Wezîrê Derve yê Îranê Mûhemmed Cewad Zerîf, Wezîrê Derve yê Rûsyayê Sergey Lavrov, Wezîre Derve yê Fransayê, Jean-Marc Ayrault, Wezîrê Derve yê Ingîlereyê Boris Johnson, Sererkanê Pakistanê Qamar Javed Bajwa, Wezîrê Bergiriyê yê Îsraîlê Avigdor Liberman, Serokê Komîteya Xaça Sor a Navneteweyî Peter Maurer, Dîrektorê Çavdêriya Heqê Însanî (Human Rights Watch) Kenneth Roth, Serokê Microsoft/Bill & Melinda Gates Foundation Bill Gates, hunermend Philanthrop Bono jî di nav lîsteya dawetiyan de hene.