16 Sibat 2016•Rojanekirin: 17 Sibat 2016
ŞIRNAK
Nûreddîn Nebatiyê Parlementerê Stenbolê yê AK Partiyê got "Ne ez dev ji kurdan berdidim, ne jî tirkê li vir dev ji erebên li cihên muxtelîf ên li Anadoluyê berdide, ne jî dev ji tirkan berdide. Hema bêje ji bo ku em jiyana xwe bi hev re derbas bikin hatine afirandin."
Abdullah Agraliyê Parlementerê Konyayê yê AK Partiyê û parlementerên Stenbolê yên AK Partiyê Nûreddîn Nebatî û Ravza Kavakçi Kan piştî ku Wekîlê Qaymeqam û Arîkarê Waliyê Şirnexê Alî Arikan li Silopiya navçeya Şirnexê ziyaret kir bi esnafan re hevdîtin kirin.
Nebatî li ser navê parlementerên ku li Serokatiya Navçeyê ya AK Partiyê bi partiyiyan re hatin bal hev axivî û got ku Serokê Giştî yê AK Partiyê û Serokwezîr Ahmet Davutoglu ji bo ku ji Şirnexa ku di hilbijartinên 1ê sermawezê de partiya wî parlementer dernexist xizmetên baş bibin, ew peywirdar kirin.
Nebatî destnîşan kir ku ji ber êrîşên mensûbên PKKya rêxistina terorê esnafên li navçeyê ev bi qasî 2 meh in ku nikare kar bike û wiha axivî:
"Min çendî salan vir peywir kir. Tişta ku min dît ev e, bi îzna Xwedê dê tu hêz nekarin ku bê dewletê têk bibin. Dema em diçin cem esnafên ku dikanên wan girtî ne ew ronahiya di çavên wan de kelecanî dide me. Belê, dibêje ku 'ev du meh in ez kar nakim' lê ji bo min çi kêfxweşî ye ku destê rehmê yê Komara Tirkiyeyê li me ketiye. Dîmena qudreta Komara Tirkiyeyê ya ku dev jê bernade jî li Silopiyê heye. Em dê ji bo ku bi esker, polês, parêzvanên gund lê ya herî girîng bi jin û mêr hemû welatiyên xwe re xweşikahî û biratiya li Silopiyê ya ku hatiye pêkanîna heta hetayê berdewam bike çi ji destê me bê em ê bikin."
Nebatî girîngiya nirxên pîroz destnîşan kir û wiha axivî: "Ne ez dev ji kurdan berdidim, ne jî tirkê li vir dev ji erebên li cihên muxtelîf ên li Anadoluyê berdide, ne jî dev ji tirkan berdide. Hema bêje ji bo ku em jiyana xwe bi hev re derbas bikin hatine afirandin. Goşt û neynûk kêm dimîne. Ji ber ku jiyan û xwarina me hevpar e."
- "Ev 30 sal in ku teror dayikên vê gelê digirîne"
Serokbajarê Şirnexê yê AK Partiyê Mehmet Aşan jî qal kir ku ji ber êrîşên mensûbên rêxistina terorê zehmet e ku mirov li Şirnexê siyaset bike û wiha axivî:
"Lê belê digel her tiştê em wekî dildarên AK Partiyê me heta îro ne ji baweriya xwe, ne jî ji wêrekiya xwe tu tişt winda nekir. Me tewîz neda. Teror ev 30 sal in dayikên vê gelê digirîne, hema bêje tehdeyê lê dike û xistiye bin tesîra xwe ya psîkolojîk. Şikir ji Xwedê re bi vê operasyona ewlehî û aramiyê ya ku hikûmeta me kir a ku gelek di cî de ye ev tehdeya terorê ya ser gelê me wisa dixuyê ku li Silopiyê jî xilas bûye. Dê berdewama vê yekê jî bê. Kolan hatin paqijkirin û wek partî ji bo ku paqij bimîne çi ji destê me tê em ê bikin."
