Serokomar Recep Tayyip Erdogan, bi balafira taybet "TC-TRK"ê di çarçoveya geşta xwe ya welatên kendavê de gihişt Erebistana Siûdiyê.
Erdogan li Balafirgeha Navneteweyî ya Melik Ebdulezîz a li Cîdeyê, ji aliyê Cîgirê Mîrê Herêma Cîdeyê Bedir bin Sultan, Wezîrê Karên Derve yê Erebistana Siûdiyê Feysel bin Ferhan Al Siûd, Balyozê Tirkiyeyê yê li Riyadê Fatih Ulusoy, Balyozê Tirkiyeyê yê li Yemenê Mustafa Pulat û Nûnerê Daimî yê Teşkîlata Hevkariya Îslamî Balyoz Mehmet Metîn Eker ve hat pêşwazîkirin.
Digel Serokomar Erdogan, hevjîna Emine Erdogan, Wezîrê Karên Derve Hakan Fidan, Wezîrê Enerjî û Çavkaniyên Siruştî Alparslan Bayraktar, Wezîrê Parastina Neteweyî Yaşar Guler, Wezîrê Pîşesazî û Teknolojiyê Mehmet Fatih Kacir, Wezîrê Bazirganiyê Omer Bolat, Cîgirên Serokê Giştiyê AK Partiyê Omer Çelik, Zafer Sirakaya, Parlementerên AK Partiyê Hulusi Akar, Mustafa Varank, Nureddin Nebati û Parlementerê MHPê Îsmaîl Faruk Aksu, Serokê Karûbarê Îdarî yên Serokomariyê Metin Kiratli, Serokê Ragihandina Serokomariyê Fahrettîn Altun, Serokê MÎTê Îbrahîm Kalin, Serokê Pîşesaziya Parastinê Haluk Gorgun, Serokê Arşîvên Dewletê Ugur Unal, Serşêwirmendê Serokomariyê Balyoz Akif Çagatay Kiliç jî hatin Cîdeyê.
Erdogan di çarçoveya serdanên xwe de dê li Qesra Selamê wê bi merasimê pêşwazîkirin, dê digel Şehzadeyê Cînîşin ê Erebistana Siûdiyê Muhemed bin Selman bicive û beşdarî civîna nav heyetan bibe.
