سه‌رۆكی پارتی ماف و ئازادییه‌كان فه‌همی ده‌میر له‌ رووداوێكی هاتووچۆدا گیانی له‌ده‌ستدا

مێرسین

سه‌رۆكی پارتی ماف و ئازادییه‌كان فه‌همی ده‌میر له‌ شارۆچكه‌ی تارسووسی سه‌ربه‌ مێرسین له‌ رووداوێكی هاتووچۆدا گیانی له‌ده‌ستدا.

له‌سه‌ر رێگای تارسووس - ئه‌دانا - غازی عه‌نتاب ئوتومبێلێكی ژماره‌ نه‌مسا وه‌رگه‌ڕابوو، دواتر ئوتومبێله‌كه‌ی ده‌میر كه‌ ئوتومبێلێكی ژماره‌ ئه‌نقه‌ره‌ بوو خۆی به‌ ئوتومبێله‌ وه‌رگه‌ڕاوه‌كه‌دا كێشاوه‌. فه‌همی ده‌میر و شۆفێری ئوتومبێله‌ وه‌رگه‌ڕاوه‌كه‌ له‌شوێنی رووداوه‌كه‌دا گیانیان له‌ده‌ستدا.

دوای ئه‌نجامدانی پشكنین بۆ ته‌رمه‌كان له‌ مه‌یتخانه‌ی نه‌خۆشخانه‌ی تارسوس هه‌ڵگیران.

پێشتر راگه‌یه‌نرابوو كه‌ رووداوه‌كه‌ له‌ شارۆچكه‌ی پۆزانتی سه‌ربه‌ ئه‌دانا روویداوه‌.