په‌یوه‌ندی ته‌له‌فۆنی یڵدرم و مه‌شعه‌ل

به‌بۆنه‌ی شكستپێهێنانی هه‌وڵی كوده‌تا ناپاكه‌كه‌ی 15ی ته‌مووز، سه‌رۆكی مه‌كته‌بی سیاسی حه‌ماس خالید مه‌شعه‌ل، له‌ رێگه‌ی سه‌رۆكوه‌زیرانی توركیا بینالی یڵدرم-ه‌وه‌ پیرۆزبایی له‌ گه‌لی توركیا كرد.

به‌پێی ئه‌و زانیاریانه‌ی له‌ سه‌رچاوه‌كانی سه‌رۆكایه‌تی ئه‌نجوومه‌نی وه‌زیرانی توركیاوه‌ ده‌ست ئانادۆڵو كه‌وتووه‌، سه‌رۆكوه‌زیران یڵدرم په‌یوه‌ندییه‌كی ته‌له‌فۆنی له‌ مه‌شعه‌له‌وه‌ پێگه‌یشتووه‌.

به‌بۆنه‌ی شكستپێهێنانی هه‌وڵی كوده‌تا ناپاكه‌كه‌ی 15ی ته‌مووزه‌وه‌، سه‌رۆكی مه‌كته‌بی سیاسی حه‌ماس مه‌شعه‌ل، له‌ رێگه‌ی یڵدرمه‌وه‌ پیرۆزبایی له‌ گه‌لی توركیا كردووه‌ و گوتوویه‌تی كه‌ گه‌لی فه‌ڵه‌ستین به‌تایبه‌تی له‌ كه‌رتی غه‌ززه‌ به‌ ئاڵای توركیاوه‌ رژاونه‌ته‌ سه‌ر شه‌قام و پشتیوانیان بۆ توركیا ده‌ربریوه‌.

له‌ به‌رامبه‌ردا سه‌رۆكوه‌زیرانی توركیا یڵدرم، سوپاسی مه‌شعه‌لی كردووه‌ و ئاماژه‌ی به‌وه‌ كردووه‌ كه‌ له‌ دڵه‌وه‌ هه‌ست به‌ پشتیوانی گه‌لی فه‌ڵه‌ستین ده‌كه‌ن به‌تایبه‌تی له‌م قۆناغه‌دا.

یڵدرم باسی له‌وه‌ كردووه‌ كه‌ توركیا به‌رده‌وام ده‌بێت له‌سه‌ر پشتیوانی كردنی كه‌رتی غه‌ززه‌ و فه‌ڵه‌ستین، ئه‌و 11 هه‌زار تۆن هاوكارییه‌ مرۆییه‌ی له‌ چوارچێوه‌ی رێككه‌وتننیان له‌گه‌ڵ ئیسرائیل ره‌وانه‌یان كردووه‌ گه‌یشتووه‌ته‌ كه‌رۆتی غه‌ززه‌ و له‌ رۆژانی داهاتووشدا به‌شێوه‌یه‌كی رێك به‌رده‌وام ده‌بن له‌سه‌ر ئه‌و چالاكیانه‌یان.

هاوكات یڵدرم باسی له‌وه‌یش كردووه‌ كه‌ به‌ هه‌ستیارییه‌وه‌ پشتیوانی له‌ قۆناغی سازانی لایه‌نه‌ فه‌ڵاستینییه‌كان ده‌كه‌ن و ئه‌مڕۆش ئه‌و بابه‌ته‌ له‌گه‌ڵ وه‌زیری ده‌ره‌وه‌ی فه‌ڵه‌ستین ریاز مالكی تاوتوێ ده‌كات.