ئوردن بە هۆی گرژییەکانی ناوچەکە کایەی ئاسمانی خۆی داخست

عوممان - AA

دەسەڵاتی ڕێکخستنی فڕۆکەوانی مەدەنی ئۆردن بڵاوی کردەوە کە بە هۆی هێرشی ئیسرائیل بۆ سەر ئێران و گرژییەکانی ڕۆژهەڵاتی ناوەڕاست، کایەی ئاسمانی وڵاتەکەیان داخستووە.

ئاژانسی هەواڵی فەرمی ئوردن PETRA بڵاوی کردەوە کە، بە هۆی هەڵکشانی گرژییە سەربازییەکان و مەترسییەکان، بە شێوەی کاتی کایەی ئاسمانی وڵاتەکە داخراوە.

ڕاشیگەیاندووە کە ئەم بڕیارە لە چوارچێوەی بڕیارەکانی نێودەوڵەتی ڕێکخستنی فڕۆکەوانی مەدەنی دراوە.

بەرەبەیانی ئەمڕۆ سوپای ئیسرائیل ڕایگەیاند، چەند بنکەیەکی ناوەکی و سەربازییان لە ناوخۆی ئێران کردووەتە ئامانج.

بە هۆی هێرشەکەوە، چەند فەرماندەیەکی سەربازیی لەوانەش، سوپاسالاری ئێران محەمەد باقری، فەرماندەی سوپای پاسداران حوسێن سەلامی و شەش زانای ناوەکی ئێران کوژران.