به‌هۆی لافاوه‌وه‌ ٢٠ كه‌س له‌ نێجیریا گیانیان له‌ده‌ست دا

ئه‌بوجا – AA

له‌ ئاكامی ئه‌و لافاوه‌ی بارانبارینی به‌لێزمه‌وه له‌ ویلایه‌تی باوچی له‌ نێجیریا روویدا، ٢٠ كه‌س گیانیان له‌ده‌ست داوه‌.

به‌ڕێوه‌به‌ری لقی باوچی ئاژانسی به‌ڕێوه‌بردنی دۆخی له‌ناكاوی نێجیریا، دكتۆر ئومار گابارین رایگه‌یاند به‌هۆی ئه‌و بارانه‌ به‌لێزمه‌ی چه‌ند ناوچه‌یه‌كی ویلایه‌ته‌كی گرتووه‌ته‌وه‌، لافاو رووی داوه و لافاوه‌كه‌ كاریگه‌ری كردووه‌ته‌ سه‌ر زیاتر له‌ دوو هه‌زار كه‌س.

له‌ ئاكامی ئه‌و لافاوه‌ ٢٠ كه‌س گیانیان له‌ده‌ست داوه‌ و ١٤ كه‌سی دیكه‌یش بریندار بوون.

گابارین تیشكی خسته‌ سه‌ر ئه‌وه‌ی كه‌ به‌هۆی لافاوه‌كه‌وه‌ ٧٢ پرد و چه‌ندین ماڵ زیانیان به‌ركه‌وتووه‌ و ژماره‌یه‌ك له‌ زه‌وییه‌ كشتوكاڵییه‌كان ژێرئاو كه‌وتوون.