رووسیا لەبارەی ئاگربەست ھۆشداری دەداتە رژێمی سووریا

رووسیا بە توندی ھۆشداری دەداتە رژێمی ئەسەد بۆ ئەوەی پابەندی ئاگربەست ببێت.

بەرپرسێکی باڵای رووسیا لە ناوەندی چاودێریکردنی ئاگربەست لە سووریا بە ئاژاننسی ھەواڵی ریا ناڤۆستی راگەیاند کە ئەوان نیگەرانن بە شکاندنی ئاگربەست لە لایەن رژێمی سووریاوە.

ئەو بەرپرسە رووسیەی کە ناوەکەی ئاشکرا نەکراوە، رایگەیاند کە ئەوان بە توندی ھۆشداریان داوەتە بەشێکی فەرماندەکانی رژێم بۆ ئەوەی پابەندی ئاگربەست ببن.

راشگەیەنرا کە ناوەندەکە چاودێری ئاگربەستەکە دەکات و رۆژانە تێکڕای ناوەند شەش پێشێڵکاری تۆمار کراون.