سوپای نیشتیمانی سووریا یەکەمین سەربازگەی خۆی کردەوە

عەزاز - AA

سوپای نیشتیمانی سووریا لە شارۆچکەی عەزاز یەکەم سەربازگەی خۆی کردەوە.

سەربازگەکە ناوی "شەھید یاسر ئەبو شەیخ"ە و لە رێوڕەسمێکی تایبەتدا کرایەوە، بڕیارە وەک کۆلێجێکی سەربازی خزمەت پێشکەش بکات و تیایدا پێداویستییەکانی راھێنان و مانەوەی سەربازانی سوپای نیشتیمانی سووریا دابینکراون.

لە رێوڕەسمەکەدا سەرۆکی حکوومەتی کاتی سووریا، عەبدولڕەحمان مستەفا، سوپاسالار و وەزیری بەرگری حکوومەتی کاتی سووریا، سەلیم ئیدریس و فەرماندەکانی سوپا بەشداربوون و تاجەگوڵینەیان لەسەر مۆنۆمێنتی شەھیدانی ناو سەربازگەکە دانا.