كاردانه‌وه‌ی یه‌كێتیی ئه‌ورووپا به‌رامبه‌ر تره‌مپ

بڕۆكسڵ – AA

یه‌كێتیی ئه‌ورووپا پشتگیری ته‌واوی خۆی بۆ راگه‌یه‌ندراوی كۆتایی لوتكه‌ی جی حه‌وت ده‌ربڕی له‌ كاتێكدا سه‌رۆكی ئه‌مریكا دۆناڵد تره‌مپ ئاماده‌ نه‌بوو واژووی له‌سه‌ر بكات و سه‌رۆكوه‌زیرانی كه‌نه‌دا جا‌ستن ترۆدۆ-ی به‌ "دووڕوو و لاواز" له‌قه‌ڵه‌م دابوو.

دوای گرژی كه‌وتنه‌ نێو سه‌رۆكی ئه‌مریكا دۆناڵد تره‌مپ و سه‌ركرده‌ی وڵاته‌كانی دیكه‌ له‌ لوتكه‌ی جی حه‌وت گوته‌بێژی كۆمیسیۆنی یه‌كێتیی ئه‌ورووپا مارگاریتیس شیناس له‌ كۆنگره‌یه‌كی رۆژنامه‌وانیدا رایگه‌یاند كه‌ به‌ ته‌واوی پشتگیری راگه‌یه‌ندراوی كۆتایی لوتكه‌ی جی حه‌وت ده‌كه‌ن.

مارگاریتیس شیناس به‌ بیریشی هێنایه‌وه‌ كه‌ سه‌رۆكی كۆمیسیۆنه‌كه‌ یان كلود جانكه‌ریش پیرۆزبایی له‌ ترۆدۆ كردووه‌ به‌هۆی "باش ئاماده‌كردن و سه‌رۆكایه‌تی كردنی ئه‌و لوتكه‌ دژواره‌".