مەسرور بارزانی لەگەڵ شای بەحرێن کۆبووەوە

هەولێر - AA

سەرۆکی حکوومەتی ھەرێمی کوردستان، مەسرور بارزانی لەگەڵ شای بەحرێن، حەمەد بن عیسا ئال خەلیفە کۆبووەوە.

مەسرور بارزانی کە بە مەبەستی بەشداریکردن لە کۆڕبەندی دایەلۆگی مەنامە ٢٠٢١ لە بەحرێنە، لەگەڵ حەمەد بن عیسا ئال خەلیفە کۆبووەوە.

سەرۆکی حکوومەتی هەرێمی کوردستان لەبارەی کۆبوونەوەی لەکەڵ شای بەحرێن، لە هەژمارەکانی تایبەتی خۆی لە تۆڕەکانی کۆمەڵایەتی نووسیوویەتی "خۆشحاڵم لە دیالۆگی مەنامە چاوم بە خاوەنشکۆ شا حەمەد بن عیسا ئال خەلیفە پاشای بەحرێن کەوت. سوپاسی خەڵکی بەحرێنم کرد بۆ میواندارییە گەرمەکەیان".

رۆژی هەینی، سەرۆکی حکوومەتی هەرێمی کوردستان، مەسرور بارزانی بەمەبەستی بەشداریکردن لە کۆڕبەندی دیالۆگی مەنامە ٢٠٢١، بەسەرۆکایەتی شاندێکی حکوومی کە پێکهاتووە لە وەزیری کاروباری پێشمەرگە، شۆڕش ئیسماعیل و وەزیری دارایی و ئابووری، ئاوات شێخ جەناب و بەرپرسی فەرمانگەی پەیوەندییەکانی دەرەوەی حکوومەتی هەرێمی کوردستان، سەفین دزەیی، گەیشتە مەنامە پایتەختی بەحرێن.