سه‌رۆكوه‌زیرانی عێراق و وه‌زیری وزه‌ی ئێران كۆبوونه‌وه‌

هەولێر- AA

سەرۆکوەزیرانی عێراق، مستەفا کازمی لەگەڵ وەزیری وزەی ئێران، رەزا ئەرده‌کانیان، تاوتوێی بابه‌تی گازی سرووشتیی و پرسی گرووپە چەکدارەکانی دەرەوەی یاسایان کرد.

بەپێی راگه‌یه‌نراوێك كه‌ لە نووسینگەی راگەیاندنی سەرۆکایەتی وەزیرانی عێراق بڵاوکراوەتەوە، مستەفا کازمی پێشوازیی لە رەزا ئەرده‌کانیان و شاندی یاوەری کردووە.

لەمیانی کۆبوونەوەکەدا، تاوتوێی بەھێزکردنی پەیوەندییە دووقۆڵییەکان و بەرەنگاربوونەوەی گرووپە چەکدارەکان کراوە.

به‌پێی راگه‌یه‌نراوه‌كه‌ وەزیری وزەی ئێران پشتیوانیی وڵاته‌كه‌ی لە ھەنگاوەکانی کازمی له‌باره‌ی پرسی چەکە بێ مۆڵەتەکان و گرووپە لە یاسا دەرچووەکان ده‌ربڕیوه‌.

هاوكات رەزا ئەرده‌کانیان جه‌ختی له‌وه‌كردووه‌ته‌وه‌، کە بەھۆی کێشەی تەکنیکییەوە گازی سرووشتیی ئێران بۆ عێراق راگیراوە و له‌ماوه‌یه‌كی كورتدا ره‌وانه‌كردنی گاز بۆ عێراق دەستپێدەکاتەوە.

بەیانی ئەمڕۆ سێشەممە، وەزیری وزەی ئێران، رەزا ئەرده‌کانیان گەیشتبووە بەغدا و لە فڕۆکەخانەی نێودەوڵەتیی بەغدا لەگەڵ وەزیری کارەبای عێراق، ماجد مەھدی حەنتوش کۆببوویەوە.