Србија доби пријави за закани со бомби во 807 училишта

ИСТАНБУЛ (АА) – Србија добила пријави за закани со бомби во над 800 училишта, објавија официјални лица денес, а според наводите, училиштата се евакуирани како превентивна мерка, јавува Анадолу.

„До денес, до 9:30 часот, беше пријавено дека бомби се поставени во вкупно 807 основни и средни училишта“, се вели во соопштението на Министерството за внатрешни работи.

Распоредени се полициски сили од надлежните регионални одделенија, вклучително и криминалистички и технички единици од главниот град Белград, додаде Министерството.

Според локалните медиуми, учениците и вработените се испратени дома, а наставата е прекината.

Министерството, исто така, соопшти дека службениците од Службата за борба против високотехнолошки криминал ќе соработуваат со меѓународни партнери за да го пронајдат испраќачот на заканите.