ШЕФШАУЕН (АА) - Шефшауен, живописен град кој се наоѓа во северозападниот дел на Мароко, во светот познат по својата карактеристична архитектура облеана со многу нијанси на сино, е сѐ попопуларна туристичка дестинација во Северна Африка, известува Анадолу.
Во мароканското шаренило, освен познатите градови Маракеш и Казабланка, се крие уште еден драгоцен камен - градот Шефшауен, кој сѐ почесто се наоѓа на листата на желби на голем број светски патници.
Синиот град, сместен во регионот Танжер - Тетуан, ги маѓепсува светските патници со својата уникатност. Таму сите куќи, сите ѕидови, фасади, прозорци и улици се обоени во сино.
Шефшауен или Шауен, како што Мароканците го нарекуваат, денес е популарна туристичка дестинација поради близината на Танжер и шпанската енклава Сеута.
Стариот град сè уште е добро сочуван, со модерен градски пејзаж надвор од неговите ѕидини. Стопанството го карактеризираат занаетчиството и туризмот.
Историјата на Шефшауен датира од 1471 година, кога бил изграден како мала тврдина за да се спротивстави на португалската инвазија на северно Мароко. Сочуваната средновековна архитектура на градот сведочи за богатата историја и култура на ова подрачје.
