Во светот од Ковид-19 оздравеа повеќе од 9 милиони луѓе

АНКАРА

Во светот повеќе од девет милиони лица оздравеа од Ковид-19, јавува Агенција Анадолија (АА).

Според интернет страницата „Worldometer“, од Ковид-19 во светот оздравеа 9.010.122 лица.

Најмногу лица се оздравени во САД и тоа 1.685.263, потоа следува Бразил со 1.409.202, Индија со 752.393, Русија со 562.384, Чиле со 306.816 и Перу со 245.081 оздравени лица.

Во Иран оздраве 242.351 пациент, во Мексико 222.068, Јужна Африка 208.144, Пакистан 208.030, додека во Турција оздравеа 204.011 пациенти.

Коронавирусот кон крајот на минатата година за првпат се појави во кинескиот град Вухан, а Светската здравствена организација (СЗ0) на 11 март оваа година прогласи глобална пандемија на Ковид-19.