Во Шпанија бројот на починати од Ковид-19 се искaчи на 28.341

МАДРИД (АА) - Министерството за здравство на Шпанија соопшти дека во последните седум дена како последица на Ковид-19 починале 13 лица, пренесува Агенција Анадолија (АА).

Министерството информираше дека во последното деноноќие починале три лица, бројот на смртни случаи е ревидиран на 28.341, вчера таа бројка изнесуваше 28.338.

Поголемиот дел од смртните случаи потврдени во последните седум дена се во автономната заедница Кастиља и Леон.

Во последните 24 часа бројот на заразени е зголемен за 191, со што вкупниот број на позитивни на Ковид-19 од почетокот на епидемијата во земјата се искачи на 248.469.

- Состојбата со Ковид-19 во Португалија -

Во Португалија во последните 24 часа од последици предизвикани од Ковид-19 починале 6 лица, со што вкупниот број на починати е зголемен на 1.561.

Во изминатото деноноќие потврдени се 323 случаи на вирусот, од почетокот на епидемијата вкупно 41.189.

Во земјата од коронавирусот се излекувани вкупно 26.864 лица.