Почина светската поп-ѕвезда Принц

МИНЕАПОЛИС (АА) - Во својот дом во Минеаполис почина светската поп-ѕвезда Принц. Претставничката за печатот, Ивет Ноел-Шур, соопшти дека 57-годишната музичка поп-икона е пронајден мртов во својот дом во преградието Чанхесен, во Минеаполис, пренесува Anadolu Agency (AA).

Не беше дадена причината за смртта на Принц, кој беше еден од најкреативните музичари, пејачи, текстописци и аранжери во своето време.

Своите први чекори во музиката Принц ги направи кон крајот на 1970 година. Хит песните „ Little Red Corvette", „Let's Go Crazy" и „When Doves Cry" ќе останат засекогаш дел од музичката историја.

Неговото вистинско име е Принц Роџер Нелсон и на листата на „100-те најдобри музичари на сите времиња", составена од страна на магазинот „Rolling Stone", тој се наоѓа на 28-то место. Негови најпознати албуми се „1999" и „Purple Rain". Албумот „Purple Rain" во САД е продаден во тираж од околу 13 милиони примероци.