Турскиот вицепремиер Боздаг најави укинување на вонредната состојба

ЈОЗГАТ (АА) - Вицепремиерот на Турција, Бекир Боздаг, во денешната изјава за новинарите најави укинување на вонредната состојба во таа земја, воведена по обидот за државен удар на 15 јули 2016 година, јавува Anadolu Agency (AA).

„Можно е укинување на вонредната состојба“, изјави Боздаг, најавувајќи ја таа можност за периодот по одржувањето на предвремените претседателски и парламентарни избори распишани за 24 јуни.

Боздаг ги повика германските власти да истражат и да ги соопштат информациите во врска со престојот на еден од најбараните пучисти на ФЕТО, Адил Оксуз, во таа земја.

„Германските власти треба да ги истражат и соопштат информациите за престојот на Адил Оксуз во Германија“, изјави Боздаг.