Шефот на турската дипломатија во четиридневна посета на Албанија, Бугарија и Романија

АНКАРА (АА) - Турскиот министер за надворешни работи, Хакан Фидан, денес ја започнува својата четиридневна посета на Албанија, Бугарија и Романија, известува Анадолу.

Како што е најавено, Фидан турнејата ќе ја започне во Албанија, каде ќе се состане со официјалните лица на земјата.

Фидан ќе се состане со своите колеги, за да разговара за билатералните односи, како и за актуелните регионални и глобални случувања, најавија дипломатските извори.

За време на посетата, шефот на турската дипломатија ќе се состане и со турските бизнисмени и претставници на турските заедници во овие земји.