„БајоНТех“ објави профит од 2,8 милијарди евра во вториот квартал од годината

БРИСЕЛ

Компанијата „БајоНТех​​​​​​​“ ги сподели своите финансиски резултати за вториот квартал од 2021 година, пренесува Агенција Анадолија (АА).

Според нив, нето-добивката на компанијата во периодот април - јуни достигна 2 милијарди 787,2 милиони евра.

„БајоНТех​​​​​​​“ објави загуба од 88,3 милиони евра во истиот период минатата година.

Добивката на компанијата во првата половина од годината достигна 3 милијарди 915,3 милиони евра. Компанијата објави загуба од 141,7 милиони евра во првата половина на 2020 година.

Вкупните приходи на „БајоНТех​​​​​​​“ се зголемија од 41,7 милиони евра во вториот квартал од 2020 година на 5 милијарди 308,5 милиони евра во вториот квартал од 2021 година.

Вкупните приходи на „БајоНТех​​​​​​​“, што изнесуваа 69,4 милиони евра во првата половина од минатата година, достигнаа 7 милијарди 356,9 милиони евра во првата половина од оваа година.

Приход од 15,9 милијарди евра беше предвиден и од договорите за снабдување на вкупно 2,2 милијарди дози вакцини против Ковид-19 оваа година.

Заработката по акција на компанијата во вториот квартал исто така изнесува 11,42 евра.

„БајоНТех​​​​​​​“, заедно со својот партнер за производство на вакцини, „Фајзер“, достави повеќе од 1 милијарда дози вакцини против Ковид-19 во повеќе од 100 земји.