„Либан ќе одговори на американскиот предлог за прекин на огнот до вторник“

БЕЈРУТ (АА) - Пратеникот во либанскиот парламент Касим Хашим изјави дека до понеделник или најдоцна вторник ќе дадат одговор на нацрт-предлогот подготвен од САД за обезбедување прекин на огнот меѓу израелската армија и Хезболах, известува Анадолу.

Хашим за локалните медиуми го коментираше нацрт-предлогот за прекин на огнот што го претставија САД.

„Одговорот на Либан на предлогот за прекин на огнот ќе биде готов до понеделник или најдоцна вторник и ќе вклучува различни забелешки на низа точки, особено оние се однесуваат на слободата на движење и надзорниот одбор“, рече Хашим.

Тој наведе дека прекинот на огнот ќе зависи од одговорот на Израел, кој сака да ги наметне своите услови и да го принуди Либан на отстапки.

Хашим додаде дека израелскиот премиер Бенјамин Нетанјаху можеби ќе почека новоизбраниот американски претседател Доналд Трамп да ја преземе функцијата и нема да ѝ понуди таква можност на американската администрација на Џо Бајден, која ќе си замине во јануари 2025 година.

Претседателот на либанскиот парламент, Небих Бери, вчера објави дека добил предлог од САД за прекин на огнот во Либан, каде што продолжуваат судирите на израелската армија и Хезболах и додаде дека разговорите по ова прашање продолжуваат.