Авион на „Туркиш ерлајнс" излезе од писта во Украина

ИСТАНБУЛ (АА) - Авионот на турската авиокомпанија „Туркиш Ерлајнс" (Turkish Airlines) излезе од писта по слетување на меѓународниот аеродром „Одеса“ во Украина, пренесува Агенција Анадолија (АА).

„Нашиот авион TC-JGZ кој патуваше од Истанбул кон Одеса, излезе од писта откако слета на меѓународниот аеродром Одеса. Во авионот, во кој се наоѓаа 134 патници, како и нашиот екипаж се евакуирани од авионот без повреди“, се вели во соопштението на „Туркиш Ерлајнс“.

Во соопштението се нагласува дека се води истрага за случајот.