Австралиски академик доби условна смртна казна од Кина

ИСТАНБУЛ (АА) - Затворениот австралиски академик Јанг Џун е осуден на условна смртна казна од кинескиот суд, соопшти Канбера, пренесува Анадолу.

Јанг Џун, роден во Кина, или Јанг Хенџун (59), беше осуден за шпионажа од кинеските власти.

Австралиската министерка за надворешни работи Пени Вонг рече дека Канбера е згрозена поради изрекувањето на пресудата, нарекувајќи ја „страшна вест за д-р Јанг, неговото семејство и сите што го поддржувале“.

Казната може да биде заменета во доживотен затвор по две години добро однесување.

„Како и многу Австралијци, јас сум трогната од силата на д-р Јанг и силата на неговото семејство и пријатели. Австралиската Влада најсилно ќе го соопшти нашиот одговор“, рече Вонг.

Академикот беше приведен во јануари 2019 година на аеродромот во Гуангжу кога слета во кинескиот град со своето семејство откако полета од САД.

Пресудата беше одложена неколкупати по затвореното судење во мај 2021 година.