Elena Teslova
10 Октомври 2022•Ажурирај: 11 Октомври 2022
МОСКВА (АА) - Белорускиот претседател Александар Лукашенко објави дека Белорусија и Русија постигнале договор за формирање на заедничка регионална воена единица по војната во Украина, јавува Агенција Анадолија (АА).
„Поради ескалацијата на западните граници на Унијата (Русија и Белорусија), се договоривме да ја распоредиме регионалната групација на Руската Федерација и Република Белорусија. Распоредувањето трае веќе два дена“, рече Лукашенко на средбата со шефовите за безбедност на Белорусија во Минск.
Тој не прецизираше каде ќе биде распоредена, но рече дека нејзината основа ќе ја формираат Белоруските вооружени сили.
Нагласи дека овој договор го постигнал со рускиот колега Владимир Путин на маргините на неформалниот состанок на шефовите на Комонвелтот на независни држави, што се одржа во петокот во Санкт Петербург.
Унијата на државите Русија и Белорусија е интегративен процес што има за цел да го обедини политичкиот, економскиот, воениот, царинскиот, валутниот, правниот, хуманитарниот, пазарниот и културниот простор на двете земји.
