Бомбашки напад во Сомалија, 6 загинати

МОГАДИШУ (АА) - Во Могадишу, главниот град на Сомалија, врз обласната административна зграда извршен е бомбашки напад со возило. Според првичните информации, во нападот животот го загубија 6 лица, а 16 се ранети, јавува Anadolu Agency (AA).

Директорот на мрежата на брзата помош во главниот град, за АА потврди дека врз административната зграда на областа Ходан е извршен бомбашки напад со возило, во кој животот го загубиле 6 лица, а 16 се ранети.

Тој информираше дека експлозијата предизвикала големи оштетувања на зградата, а загинатите и ранетите се воглавно државни службеници кои работеле во објектот.

Нападот врз административната зграда на областа Ходан е втор напад врз владините канцеларии во главниот град, овој месец.

Одговорноста за нападот ја презеде организацијата Ал Шабаб, која воглавно спроведува напади врз хотели, државни институции и врз безбедносните сили во главниот град Могадишу.