Во напад со нож во централен Израел загинаа две лица

АНКАРА (АА) – Во напад со нож во Тел Авив, централен Израел, загинаа две лица, откако уште едно лице почина од повредите, пренесува Анадолу.

Уште еден илегален доселеник е прогласен за мртов во болницата „Волфсон“ во Холон, во метрополитенската област на Тел Авив, објави весникот Једиот Ахронот.

Претходно беше објавено дека 70-годишна жена починала од повредите здобиени во нападот, додека 60-годишен маж е со критични повреди, 30-годишен маж е тешко повреден, а 26-годишен маж со умерени повреди.

Се додава дека напаѓачот бил неутрализиран на местото на настанот.

Тензиите се високи низ окупираните палестински територии поради смртоносната израелска офанзива во која од 7 октомври загинаа речиси 40.000 луѓе во Појасот Газа.

Најмалку 600 Палестинци оттогаш се убиени, а речиси 5.400 се повредени од оган на израелската армија на окупираниот Западен Брег, според Министерството за здравство.

На 19 јули, Меѓународниот суд на правдата ја прогласи повеќедецениската окупација на палестинските територии од страна на Израел за нелегална и побара евакуација на сите постоечки еврејски населби на Западниот Брег и Источен Ерусалим (Источен Кудс).