Во северен Ирак се неутрализирани 2 терористи на ПКК

АНКАРА (АА) - Министерството за национална одбрана на Туркије објави дека двајца терористи на ПКК се неутрализирани во регионот Гара во северен Ирак, известува Анадолу.

Во соопштението на турското Министерство се наведува:

„Нема спас за терористите од крајот што ги очекува. Нашите турски вооружени сили неутрализираа 2 терористи на ПКК што ги открија во регионот Гара во северен Ирак. Операциите што одлучно ги спроведуваме ќе продолжат сѐ додека не биде неутрализиран и последниот терорист.“

ПКК е сепаратистичка терористичка организација која е прогласена за терористичка група во Туркије, Европската Унија и Соединетите Американски Држави (САД). За време на повеќедецениската терористичка кампања против Туркије, терористите на ПКК убија најмалку 40.000 луѓе.