Густ смог го прекри Њу Делхи два дена по прославувањето на хиндуистичкиот празник Дивали

СКОПЈЕ (АА) – Густ смог го прекри Њу Делхи два дена по прославата на хиндуистичкиот празник Дивали, при што индексот на квалитет на воздухот во индиската престолнина утринава изнесуваше 345, што спаѓа во категоријата „многу лош квалитет на воздух“, јавува Анадолу.

Според податоците на Индискиот центар за мониторинг на загадување, неколку населби, меѓу кои Ашок Вихар, Бавана и Дилшад Гарден, во 6:15 часот измериле индекс на загаденост од блиску 380.

Жителите на индиската престолнина се движеа низ густа магла и смог, а властите ангажираа машини за прскање вода за да ги намалат честичките од прав во воздухот.

Загадувањето на воздухот во Њу Делхи традиционално се влошува по прославата на Дивали поради запалените огномети и зголемените емисии од сообраќајот и индустријата, а експертите повторно предупредуваат на сериозни здравствени ризици за населението.